عصام عبد الله وسحر المغنى محمد منير واميره

عصام عبد الله وسحر المغنى بصوت منير واميره دويتو رائعه من اعمال عصام عبد الله النادره الكلام هنا كلام عام مش عن حب وهجر او فراق زى كل اغانى اليومين دول بتتكلم عن المغنى وتاثيره فى الناس وفى الوجود اغنيه كلها تفاءل وحب من الحان الحاج احمد منيب رحمه الله وتوزيع الثنائى احمد الناصر وعمر ابو ذكرى

سحر المغنى
سحر المغنى في قلبه جمعنا روح بتغني لروح
نور مشاعرنا لحن واخدنا واحنا معاه بنروح
لما نغني سوا بنحني حلم مداه مفتوح
واحنا معاه بنروح
على كيفك على كيفك همس الكلام واصل
فبن روحك مع روحِك عمر الغنى مواصل
يفرح يقوم ضاحك يحلم يكون فالك
روح الغنى احنا واحنا الغنى روحنا
دي ملاعبة دي مصاحبة انا في الغنى الرايق
اه يا ليلي اه يا عيني صحبة وانا عاشق
من القلب شوق طارح
هو النغم سارح كل الوجود غنى كأنها جنة
سحر المغنى في قلبه جمعنا
روح بتغني لروح نور مشاعرنا لحن واخدنا
واحنا معاه بنروح لما نغني سوا بنحني
حلم مداه مفتوح واحنا معاه بنروح

لسماع الاغنيه او تحميلها اضغط على اللينك التالى

سحر المغنى

عصام عبد الله والطول واللون والحريه

الطول واللون والحريه ورائعه من روائع الشاعر الفنان عصام عبد الله وغناء منير فى احدى محطاته الفنيه المميزه اذكر عندما اعلن منير عن نزول الالبوم الذى يحمل نفس الاسم كنت فى منتهى الدهشه معقول اسم البوم يكون الطول واللون والحريه معقول الكلمات دى تركب فى جمله ليها معنى مفيد هل هى اغنيه وطنيه كل الاسئله دى اجابتها كانت فى كلمات عصام الرائعه المتدفقه وطبعا الاغنيه تفصيل على منير ولا ننسى اللحن المميز لمصطفى على اسماعيل والتوزيع الاكتر من رائع ل اشرف محروس

الطول واللون والحريه
مش عايز احبك مش عايز مش داخل سجنك مش جايز
مش عايز اموت فيكي وفيكي
ده انا اموت في عنيكي من غمزه
انا عارف نفسي وتلكيكي
هعشق لياليكي من لمسه
ده انا انسي في شافيفك اسمي
دانا فاهم في كنوز العفه
دانا ممكن اجريلك دمي
انا حاسس دمي هيتصفي
مش عايز احبك مش عايز مش داخل سجنك مش جايز
بالظبط الشعر الى بحبه
الطول واللون والحريه
ده مهفهف علي وشك لعبه
هاوصفلك ايه يغمي عليه
مش عايز احبك مش عايز مش داخل سجنك مش جايز

لسماع الاغنيه او تحميلها اضغط على اللينك التالى

الطول واللون والحريه

لو بطلنا نحلم عصام عبدالله ومنير

واحده من اكبر نجاحات عصام عبد الله ومحمد منير وجملة ( لو بطلنا نحلم نموت ) بقت ماركه مسجله يعنى عنوان لبرنامج واسم موقع على النت واكيد ممكن نلاقيها على التيشرتات الاغنيه محرضه على التفاءل والمواجهه والتحدى ولا ننسى اللحن للملحن مصطفى على اسماعيل ابن الموسيقار والموزع العالمى على اسماعيل والشاعره نبيله قنديل

لو بطلنا نحلم نموت
لو بطلنا نحلم نموت لو عاندنا نقدر نفوت
لو عدينا مرة خلاص لو ردينا ضاع الخلاص
حبة صبر حبة حماس يبقى الحلم صورة وصوت
لو بطلنا نحلم نموت
حضن فى غربة ملمس مثير
بعد مشاغبة هترقلك
مرة فى مرة حاول كتير
اى مغامرة راح تنفعك
وقت الحلم وقتة فى سكوت
لو بطلنا نحلم نموت
رقصة شهية هية الحياة
دى العشقية والمعشقة
مرة فى مرة حلمك هواة
يملى الدنيا بلزقزقة
ويبقى الحلم صورة وصوت
لو بطلنا نحلم نموت

لسماع الاغنيه او تحميلها اضغط على اللينك التالى
لو بطلنا نحلم

كليب وماله من كلمات عصام عبد الله والحان وغناء حسين ومودى الامام

كليب وماله من كلمات عصام عبد الله والحان وغناء حسين الامام ومودى الامام
الكلمات هنا فى منتهى البساطه ولا تخلو من الطرافه ايضا
الاغنيه من البوم حسين ومودى الامام وماله من انتاج صوت الدلتا
اما الكليب فمن اليوتيوب وشكرا جدا جزيلا للناشر





وماله

وحتتعدل مهما تطول

عمر ما شيئ يثبت على حاله

وماله يا سيدى وماله

وماله عمر ما شيئ يثبت على حاله

مهمن عملوا ومهمن قالوا

وماله وماله

طلعت نزلت

شافت عميت

طول ماللقمه عرقها حلال

وماله

طول ما الصحه مكن وعال

وماله يا سيدى وماله

وماله يا سيدى وماله

قبت طبت

فطت عدت

طول ما فى قلبك حسن الفال

وماله

طول ما الصدق معاك جوال

وماله وماله يا سيدى وماله

عمر ما شيئ يثبت على حاله

مهما عملوا مهما قالوا

وحتتعدل مهما تطول

عمر ما شي يثبت على حاله

وماله

طلعت نزلت

شافت عميت

طبت قبت

فطت عدت

شفطت نطرت

قامت قعدت

سخنت بردت

ضحكت زعلت

عمر ما شيئ يثبت على حاله

مهما عملوا ومهما قالوا

وماله

فى قلب الليل عصام ومودى الامام

فى قلب الليل اسم الاغنيه الاشهر فى تاريخ عصام عبد الله وايضا تاريخ على الحجار
يحتوى الالبوم على باقه من اروع ما كتب عصام فبجانب فى قلب الليل اغنية روحى
وحكى لى صديق مقرب من عصام على ان فى قلب الليل اغنيه حقيقيه حدثت احداثها
مع عصام وطبعا هو عبر بطريقته عن الموقف واستبدل الفتاه صاحبة الموقف بفكرة
المهر التائه وكلمات الاغنيه كتبها عصام باحساسه ومشاعره بعيدا عن الحرفيه والصنعه
اما العامل التانى فى نجاح العمل فكان موسيقى ولحن وتوزيع مودى الامام رفيق درب عصام
وانا بعتبر هذا العمل من اروع ما قدمته الاغنيه الحديثه من السبعينيات الى الان

في قلب الليل
و عزف الصمت متهادي
كموج النيل
في قلب الليل
وبرد الخوف بيتكتك سنان الخيل
وما في حد في الشارع
سوى مهر اتربط جازع
وشجرة صنت
وأنا…والصمت
وبرد الليل
وخوف الليل

وصهل المهر لم أفهم
أخوف مني أم إتعاجب
سألت المهر لم يفهم
كلام مني و لا جاوب

وكان في عينيه
بريق مني
كأنه كان بيسألني

وقفت أنظر له ينظرلي
وأنظر له و ينظرلي
ولما صار كما خلي
فتحنا ابواب حكاوينا
وتهنا في أغانينا
في برد الليل
وخوف الليل
و حزن الليل

وكان في جيده قيد جارحه
وقيد في جيدي ما لمحه
لكن حسه
أكيد حسه

وفجأة لقيناأحلامنا
وصهل الفجر في عيوننا
مسكت قيوده فكيتها
صهل بمعاني…حسيتها
وصار يجري
و ينساني
و صار يجري و ينساني
وأنا بجري
في طريق تاني
في برد الليل
وخوف الليل
وحزن الليل

وبعد كتير..في ليل تاني
لقيته لوحده من تاني
في جيده يقيده قيد تاني
صهل تاني
ماردتشي!
وباقي لوحدي انا بامشي
في برد الليل
و خوف الليل
و حزن الليل

لتحميل الاغنيه او سماعها اضغط اللينك التالى

فى قلب الليل

روحى فيكى تروح عصام عبدالله كامل الشريف على الحجار

روحى فيكى تروح واحده ما اروع ما كتب عصام ممكن نعتبرها مكتوبه بما يعرف باللغه البيضاء بمعنى انه من الصعب تحديد
هوية الاغنيه او تحديد هى بتنتمى لاى مكان وعصام فى السكه دى من التفردين ولا ننسى ذكر صديق عصام الموسيقار
الرائع كامل الشريف رحمه الله صاحب اللحن والتوزيع اللى اضاف للكلمات بعد تانى

روحي فيكي تروح

قبل أما تدب خطاكي بأدوب
و أتحرق م الشوق الملهوب
و أتوجع كالفهد المجروح
وما إن يتبدى لي محياكي
و أدوق الرحمة بنبع هواكي
بساتين الفردوس تلوح

روحي فيكي تروح

دوح .. جميل الروح
حسبك شتيتي العقل أشتات
و جنيتي نجوم السماوات
و عديتي الحسن المسموح
إن قلت وداع أنقسم اتنين
فارس متمرد ع القوانين
و كسير مسلم ما بيبوح
روحي فيكي تروح
دوح .. جميل الروح
ولهان في موجاتك سبحان
محاوطني المي و ظمآن
رويني للشوق ينوح
روحينا من بين الأرواح
بيتلاقوا صافيين ملاح
بفردوس العشق المفتوح

لتحميل الاغنيه او سماعها اضغط اللينك التالى

روحي فيكي تروح

عصام عبد الله فى اصعب ما كتب وحدانيه

عصام عبد الله فى درس مجانى لجميع الشعراء فى حرفية الكتايه باللغه الشعبيه سواء فلاحى او صعيدى
رائعة وحدانيه من كلمات عصام والحان الموسيقار المحترم المعتبر ايضا امير عبد المجيد وتوزيع فهد
وغناء الحساسه انغام اللى كانت من اصدقاء عصام واهدت الالبوم ده الى روحه

وحدانيه
قاللى يا ام رشرش حرير شنكله احمر
و الشعر خيلى سواده ليلى طويل مضفر
و القصه حارده على حواجب ماللى تسحر
خايله لحديت فروق راسك يا عيوجيه
و ان كان عليا مالبس سوا اللى يدارى همى
دانا وحدانيه ما مسح دموعى غير طرف كمى
مال الحديت ده بس بيا مال الحديت ده بس بيا
قاللى ايديكى معالج زان زانها العنادى
فوق المقصب الروميه و تحته وادى
حطه المشخلع و الكردان على حسن هادى
شوفوا الجدعان اللتاتين اللى حواليه
قاللى يا عجبانه
الود ودى انقشك حنه
يا ام الجبين الابيض يا عايجه
يا تمر حنه
بكرة عرب خللى البنادره مرياحنه
اه يا خويا صادق بس فوتنى باللى بيا

لتحميل الاغنيه اضغط على اللينك التالى

انغام وحدانيه

عصام عبد الله ادينى عقلك لفريق المصريين

عصام عبد الله فى واحده من اعماله التى تعكس خفة ظله وتجديده من حيث الموضوع والمفردات

ادينا عقلك نعمل ايه

والنار بتولع منه فيه

من يوم ما شافها فى الجنينه

وعقله خلى بيه

الحب ده اصله شيئ خطير

ما هو عنده حق عقله يطير

حنسيبه قاعد فى الجنينه

ولا حنعمل ايه

ضحكت ضحكنا

وقعت صرخ اه

ندهت نده ياه

راح من ادينا

كان عمره ما شاف بنات

اتشد بحلق بانبساط

وهى عماله رزينه وبتقل عليه

قلناله يمشى قال بلاش

قلناله حاسب مااحتماش

وهى برضه مستكينه وهيمانه بيه

برد ودفا ونار ارض وسما بحار

صعب ان نختار راح من ايدينا

ادينا عقلك نعمل ايه

والسهم جه بالظبط فيه

كيوبيد لبدله فى الجنينه ومنشن عليه

ادينا عقلك نعمل ايه

غرقان لشوشته فى اللى فيه

عاوز ينام جوه الجنينه

لحد ما تبقى ليه

ادينا عقلك نعمل ايه

لتحميل الاغنيه اضغظ على اللينك التالى

عصام عبدالله ادينى عقلك

عصام عبد الله ورائعته ودعى المكان

واحده من اجمل الاغانى الهاديه او ال slow العربيه من وجهة نظرى وانا بعتبرها من الاغانى ال slowrock زى اغانى السبعينات والثمانينات وممكن نربط بينها وبين اغنية scorpions الخالده still loving you
الاغنيه من كلمات عصام والحان وتوزيع مودى الامام وحسين الامام وغناء مودى الامام من البومهم وماله
الاغنيه بتقول

دورى بعنيكى فى كل حته
المسى كل الحاجات
حسسى على الذكريات
رتبيها
لخبطيها
كسريها
او خديها وانتى ماشيه ودعينى ودعيها
ودعى المكان

اضحكى

ليه غريقه فى الدموع امسحيها

واضحكى

دى الحقيقه اللى كنا بندرايها

صدقينى دى النهايه مفيش رجوع

صدقينى مش حتضعفنى الدموع

المره دى خلاص محدد

المره دى من غير تراجع او تردد

اخرجى سيبى حياتى

ودعى المكان ودعى المكان

وانتى ماشيه ودعينى

ودعى ايد رقيقه يا ما كانت بتلاقيكى

ودعى روح جريئه بالامان بتلف بيكى

والنوادر والحيطان والامتزاج

واختلفنا المستخبى فى الاحتياج

اخرجى وقلبى معاكى

وابقى ردى الباب وراكى

مهما كان الوضع مؤلم

بس لازم مره نفهم

لتحميل الاغنيه او سماعها اضغط على الرابط التالى

عصام عبد الله ودعى المكان

الاشرار عصام عبد الله مودى وحسين الامام وغناء جمال نجم الدين

عصام عبدالله والاشرار من غناء جمال نجم الدين

كل يوم يخترعوا موته ويحدفوها على الخريطه
تولع النقطه سنين يشربوا نخب الغنيمه ويرقصوا
الرقصه القديمه ويا احشاء الانين
كل ما تطلع فراشه يكسروا جناحها بشراسه
قبل ما تنطق انين تفضل الدنيا رهينه
فى الحسبات اللعينه وفى اغانى الشياطين

عصام عبدالله والاشرار

لتحميل الاغنيه فقط اضغط على الرابط

عصام عبد الله فى عيون محمد عطيه

عصام عبد الله فى عيون محمد عطيه من موقع Mshwar Mounir Forums
عصام عبد الله
من افضل شعراء الاغنيه فى مصر
للاسف لم يكن مشهورا بنفس قوه شعره
عصام عبد الله ممكن نقول عليه شاعر ذو لغه شعريه متميزه ومختلفه عن بقيه الشعراء
متفرد فى اللهجات يستطيع الكتابه بكل اللهجات الفلاحى والصعيدى والبدوى وحتى اللغات السواحليه
شهرته ما كنتش بشهره اغانيه رغم انه كان شريك اساسى فى نجاح بعض المطربين
من الشعراء الذين يكتبون الشعر بحريه مطلقه يمكن ده شجعه على النزول الى سوق الغناء بمفردات مختلفه مع تجارب مختلفه مثل تجاربه الرائعه مع فرقه المصريين
كتب لمحمد فؤاد وعمرو دياب وفرقه الاصدقاء وعلى الحجار
عصام عبد الله مولود فى بدوالفيوم يعشق اللهجات العربيه بكل الوانها
يكتب بلغه صعب تحديد لهجاتها يستطيع ان يهجن الكلمات لتخرج لنا باورع صوره لا تدرى ان كانت من شمال مصر او من جنوب السودان او من قبائل الجزائر
نجد ذلك فى اغانى ( ووه بابا – منير ) ( قلب الليل وروحى فيكى تروح – على الحجار )
( وحدانيه – انغام )
انا شخصيا باعتبره فلته من فلتات الشعر فى تاريخ الغنا فى مصر
بس للاسف وهاقولها تانى علشان احنا فى زمن بقى فىالناس بتعرف واحد زى مصطفى كامل وماتعرفشى مين هو عصام عبد الله لم ينل حظه من الشهره
على فكره هو كتب اغنيه غنتها روبى فى البومها وهى اغنيه مش هتقدر وهو كاتبها فى جلسه جمعته مع شريف صبرى من زمان ايام ما كان بيشتغلوا فى احدى الوكالات الاعلانيه وضمها شريف صبرى الى البوم روبى
واعتقد انه لو كان موجود ماكنش خلاها تغنيها
اهدته انغام البوم بتحب مين الى روحه حيث وافق سنه وفاته
المهم هو له سكه مميزه جدا فى الشعر اتعامل مع الملك فى اغانى
( ووه بابا – حتى حتى ) ( البوم الطول واللون والحريه )
( سحر المغنى – الطول واللون والحريه )(البوم الطول واللون والحريه)
( لو بطلنا نحلم نموت ) ( البوم افتح قلبك)
يمكن هما خمس اغانى بس كانوا علامات مميزه فى مشوار الملك الكبير خصوصا (حتى حتى – لو بطلنا نحلم نموت )

عصام عبد الله بعيون تانيه

عصام عبد الله بعيون تانيه من مدونة ياسر نعيم

عصام عبد الله من بدو الفيوم .. شاعر مرعب .. بسيييييييييط لأبعد حد و بيكتب بكل اللهجات المحلية
صعيدى فلاحى .. بدوى صحراوى .. عامية دارجة و ممكن فصحى .. لف مصر كلها ورا الغنا و الأشعار
وكتب أغانى مهمة جداً منها :
ل على الحجار .. كان إحساسى صحيح .. روحى فيكى تروح .. و تحفته العبقرية طبعاً فى قلب الليل ..
سحر المغنى و الطول و اللون و الحرية و لو بطلنا نحلم و ل إيمان البحر عرفتينى
و لأنغام وحدانية و أغانى كتير ل عمرو دياب و محمد فؤاد فى بدايتهم و لفرقة المصريين و أغانى كتير مهمة
جداً مش حاضرانى دلوقت .. و مات شاب .. و ساب غنا يكفى سنين جاية .. لكن لأنه ماكانش
غاوى ورنيش مات من غير ما ناس كتير تعرف و ماحدش كتير فاكره .. لكن ده مايلغيش إنه مرق بخفة و روعة تليق بعبقريته

عصام عبد الله وكان احساسى صحيح

واحده من اجمل روائع عصام عبدالله

كان احساسى صحيح
ورغم دا
قبلت اواجه شعورى
قبلت أءجل قرارى
قبلت افضل جريح
وكل ده
لانى كنت فى هواكى
سجين مصيرى معاكى
زى الدخان والريح
لعنتى فيا الظنون
ووقتها قدمت ليكى اعتذارى
اعلنت ليكى انكسارى
شكيت اكون مجنون
وبعدها شفتك بعينى وشفته
احساسى اثبت برءاته
وادى الوفا بيخون
دلوقت لازن اكون وحدى هنا
متفرقيش عن سواكى
كل اللى فيهم ماليكى
نفس الرتوش واللون
اما انا لابد ابدا رحيلى
ماعدش بعدك بقيلى
ماعدش شيئ مضمون

لتحميل الاغنيه او لسماعها اضغط على الرابط التالى
عصام كان احساسى صحيح

انا وعصام عبد الله

الى روح الشاعر المتفرد عصام عبد الله اهدى له مدونتى المتواضعه وهى تعبير بسيط عن حبى لشعره واعماله
حكايتى مع عصام تبتدى من نص الثمانينات من القرن الماضى واحد بحب المزيكا والشعر والاغانى وبحب اسمع كلمات الاغانى واعرف اسم الشاعر المتميز ومن هنا جت معرفتى لعصام ابتديت اتابع كل اعماله اكتشفت انى قدام شاعر ملوش مثيل مختلف مش شبه اى حد
وجنب كتاية الشعر والاغانى كان عصام من رواد العمل الاعلانى كان بيكتب الاعلانات سواء اغانى او ديلوج مقروء ومن هنا وعن طريق صديق مشترك كان التعارف مكالمة تليفون واحده بينا عبرت من خلالها عن انبهارى بشعره واسلوبه الفريد وهو كان فى قمة السعاده لان فى حد عارف وحافظ كل اعماله وفى اخر المكالمه قالى الكلام فى التليفون مش حينفع لازم نتقابل وكان وعد بلقاء مع الاسف لم يتم ومن وقتها وان بحزن جدا لان عصام ما حصلش على التقدير المناسب
اللى يتساوى وموهبته وان شاء الله ححاول انى انشر ما تصل يدى اليه من اعمال عصام
وارجو من كل من يشرفنى بالزياره للدعاء لعصام بالرحمه